Konfirmohet: Takimi i krerëve të koalicionit mbahet të hënën në orën 15
Kryetari i Aleancës për Ardhmërinë e Kosovës, Ramush Haradinaj, ka treguar se kur do të zhvillohet takimi i krerëve të partive të koalicionit qeverisës, i cili ishte paraparë të mbahej sot, para se të shtyhej.
Haradinaj ka thënë se takimi, në të cilin pritet të flitet kryesisht për dialogun me Serbinë, para takimit të 2 shtatorit në Uashington, do të zhvillohet më 24 gusht.
“Takimi do të mbahet të hënën, në orën 15”, ka bërë të ditur ai në Kanal10.
Takimi i koalicionit, i paraparë për sot, u shty për shkak të Fatmir Limajt, për të cilin u tha se nuk gjendej në Kosovë.