PSRK
Konfirmohet lista e kandidatëve që kanë aplikuar për kryeprokuror të Prishtinës dhe të Prokurorisë Speciale
Këshilli Prokurorial i Kosovës në mbledhjen e jashtëzakonshme të mbajtur këtë të premte, ka konfirmuar listat e kandidatëve të cilët kanë aplikuar për pozitën kryeprokuror i Prokurorisë Themelore të Prishtinës.
Për këtë pozitë kanë aplikuar prokurorët Zejnullah Gashi dhe Fitore Sadikaj.
Prokurori Zejnullah Gashi u konfirmua si kandidati i vetëm për pozitën e Kryeprokurorit të Prokurorisë Themelore në Prishtinë.
Ndërsa, kundërshtimi i prokurores Fitore Sadikaj ndaj vendimit të Kryesuesit të Këshillit për moskonfirmimin e statusit të kandidatit për Kryeprokuror të Prokurorisë Themelore në Prishtinë, u refuzua.
Po ashtu, KPK-ja ka konfirmuar listën e kandidatëve që kanë aplikuar për pozitën e Kryeprokurorit të Prokurorisë Speciale të Kosovës (PSRK).
Kandidatët e konfirmuar janë: Blerim Isufaj, Atdhe Dema, Valdet Gashi dhe Naim Abazi.
