Koncerti i Vertis, Einxhel: ‘A do këndonin Aurela, Sinani, Flori në stadiumin e Athinës?
Një ndër emrat më të njohur të muzikës greke ofroi një mega spektakël mbrëmë në Tiranë.
Nikos Vertis në stadiumin Air Albania performoi hitet e tij të pavdekshme të cilat i ka dëgjuar e kënduar thuajse çdo shqiptar.
Në mesin e të pranishmëve pati edhe plot fytyra publike.
Në këtë mes veçojmë biznesmenin Samir Mane, Noizyn, Yll Limanin e Blerim Destanin.
Por, një e njohur që mungoi ka shfaqur edhe kundërshtimin e saj për këtë koncert.
Fjala është për prezantuesen Einxhel Shkira.
Përmes rrjeteve sociale, ajo ka bërë disa pyetje mbi ardhjen e Vertis në Tiranë.
‘Asgjë kundër koncertit te stadiumi sepse muzika e bukur i pëlqen kujtdo. Por, dy pyetje kisha. Përveç atyre që dinë greqisht sepse kanë jetuar/punuar/lindur atje, pjesa tjetër ça po bëjnë? Ok s’dijnë asnjë llaf greqisht por ndonjë këngë ja dinin këtij Vertisit? Kurioze jam a do bënin ndonjëherë në stadium mes Athinës koncert për Aurela Gaçen apo Elvana Gjatën, Florin, Sinanin etj.’, ka pyetur Shkira.
Reagimi është mbyllur me dëshirën e Einxhel për dy bileta te koncerti i Elvanës që mbahet muajin tjetër po në këtë stadium. /Prive.al
