Shumë nga ato që ishin brenda zyrave të PDK’së në Prizren u dëmtuan nga reshjet e shiut ditë me parë. Kjo pasi ndërtesa në fjalë ishte pa kulm gjatë kohës kur moti ishte me shi.
E për këtë anëtarë të PDK’së thonë se morën leje nga drejtoria lokale e urbanizmit, por diçka ndodhi më pas dhe zyrtarë nga qeveria e kryetarit Mytaher Haskuka ia revokuan atë pas 24 orëve.
E Komuna e Prizrenit po thonë se leja u revokua pasi mungonin dokumente që herën e parë nuk i kishin kur adresuan kërkesën për leje, raporton Klan Kosova.
Për këtë problem PDK’ja u ankua në Ministrinë e Mjedisit, e pasi u shqyrtua rasti kjo e fundit vendosi kundër pushtetit lokal të Vetëvendosjes.
Kryesia e PDK’së po thonë se do ngritin padi kundër Memajt për këtë çështje.







