Komuna e Prizrenit dhe Halil Kastrati do t’i ndërtojnë 30 shtëpi
Kryetari i Prizrenit, Mytaher Haskuka, ka nënshkruar marrëveshje bashkëpunimi me themeluesin e shoqatës bamirëse “Jetimët e Ballkanit” Halil Kastratin.
Kryetari i Prizrenit, përmes një njoftimi në faqen e tij zyrtare në Facebook ka bërë të ditur nënshkrimin e kësaj marrëveshjeje.
“Me qëllim të krijimit të kushteve për banim për familjet në nevojë, sot së bashku me themeluesin e shoqatës bamirëse “Jetimët e Ballkanit”, Halil Kastrati, nënshkruam marrëveshje bashkëpunimi për ndërtimin e 30 shtëpive sipas formës “çelësa në dorë”.
Përveç kësaj marrëveshjeje, Komuna e Prizrenit këtë vit me të hyrat komunale do t’i ndërtojë edhe 30 shtëpi të tjera, ndërkaq do të rinovojë edhe 30 shtëpi dhe 30 kulme, duke bërë kështu zgjidhjen e problemit të banimit për së paku 120 familje nevojtare”, ka shkruar Haskuka.
