Komuna e Prishtinës ka reaguar ndaj disa mediave që raportuan për një konferencë të pa konfirmuar të kryetarit të saj, Shpend Ahmeti, transmeton Ballkani.info

Kjo komunë e as Ahmeti nuk janë ata që duhet të dalin në konferencë, pasi kjo i takon menaxhuesit të situatës, më konkretisht Ministrisë së Shëndetërsisë, thuhet në reagim
Ky është postimi i plotë i Komunës:

Sqarim:

Në disa media është publikuar artikulli ku thuhet se Kryetari Shpend Ahmeti do të mbajë sot konferencë për shtyp për të prezentuar masat e reja.

Dëshirojmë të sqarojmë se këtë nuk e kemi thënë apo lajmëruar në asnjë formë dhe se NUK është Komuna e Prishtinës ajo që do të mbajë konferencë për shtyp për masat e reja, por Ministria e Shendetësisë.

Prandaj, u jemi drejtuar të gjitha mediave që të e largojnë artikullin e publikuar që të mos shkaktojmë konfuzion e keqinformim te qytetarët.

Ju falemnderit paraprakisht për mirëkuptimin!

Komuna e Prishtinës