Komisioni nuk mbështet amendamentin e deputetit Haxhiu për Ligjin e Sponsorizimit
Komisioni për Buxhet dhe Financa në seancën e sotme ka bërë të ditur se nuk e mbështesin amendamentin e propozuar nga deputeti i PDK-së në projektligjin për Tatimin në të Ardhurat e Korporatave.
Kështu ka bërë të ditur kryetari i këtij komisioni Lumir Abdixhiku, i cili tha se komisioni po as Ministria e Financave nuk e përkrahin amendamentin e deputetit Haxhiu.
Deputeti Abdixhiku ka thënë se votimi i projektligjit për Tatimin në të Ardhurat e Korporatave nuk duhet të merr konotacion partiak, duke thënë se deputetët e PDK-së, Bekim Haxhiu dhe Memli Krasniqi e kanë bërë këtë. Ai tha se po të kishte konotacion partiak, ministri i Financave, Bedri Hamza nuk do të ishte kundër këtij amendamenti.
Ai ka dhënë sqarime sa i përket amendamentit 5 të Komisionit dhe atij të propozuar nga deputeti Haxhiu.
