Kombëtarja e Kosovës femrat përparon për katër pozita në renditjen e FIFA-s
Kombëtarja e Kosovës në futboll (femrat) ka përparuar për katër pozita në renditjen e FIFA-s për përfaqësueset më të suksesshme.
FIFA të premten ka publikuar renditjen, ndërsa Kosova mbanë vendin e 122-të. Është katër pozita më lartë se në renditjen e kaluar, të publikuar në fund të shtatorit.
Te përfaqësueset e futbollisteve, FIFA e publikon renditjen më rrallë.
Shqipëria është e 77-ta, kurse prapa Kosovës prej përfaqësueseve evropiane janë vetëm Maqedonia Veriore (125) dhe Andorra (151).
Në ranglistën e futbollit të femrave janë 155 përfaqësuese. Kosova më 8 tetor fitoi 2:1 ndaj Estonisë në eliminatore për Evropian, ndërsa më 9 nëntor fitoi 5:0 miqësoren me Luksemburgun.
