Deklarimin e pasurisë për Agjencionin Kundër Korrupsionit (AKK) e ka bërë edhe Komandanti i Forcës së Sigurisë së Kosovës (FSK), gjenerallejtënant Rrahman Rama.

Rama ka një apartment 87 m2, në vlerë 87 mijë euro.

Në formularin për deklarimin e pasurisë ai ka treguar se ka edhe një shtëpi banimi 220 m2, në vlerë 70 mijë euro, dhe tokë pune e trashëguar në vlerë 40 mijë euro.

Gjenerallejtënant Rama ka 25% të aksioneve edhe në një shoqëri komerciale, kapitali i së cilës është 96 mijë euro.

Ndërkohë që para të gatshme të mbajtura në institucione financiare ai ka deklaruar mbi 10 mijë euro.

I njëjti për AKK, ka deklaruar edhe të hyrat vjetore.