Kjo është çertifikata që duhet ta përdorin bizneset që u rihapën sot
Sot ka nisur zbatimi i masave lehtësuese të Fazës së II-të, në luftën ndaj coronavirusit.
Lëvizja e qytetarëve është rritur në 4 orë, me mundësi shfrytëzimi 2 orë paradite dhe 2 orë pasdite, me numër të parafundit të letërnjoftimit. Ndërsa, janë hapur edhe një sërë biznesesh, përfshirë Gastronominë, Sallonet e Bukurisë, Trafiku Urban e Ndërurban etj.
Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS) përmes një postimi në Facebook ka sqaruar se si gjendet certifikata për Fazën II.
Njoftimi i kësaj ministrie:
Të nderuar qytetarë, më poshtë mund të gjeni çertifikatën e re për Fazën II, të cilën mund ta shkarkoni përmes Administratës Tatimore tek shërbimi “EDI”.
Kjo çertifikatë është e ndryshme me atë të kaluarën (tani e kemi logon “Faza 2”), prandaj vlen për të gjitha veprimtaritë ekonomike që janë të lejuara në Fazën e II-të.
Në fund të kësaj çertifikate mund t’i gjeni edhe kushtet e përdorimit.
Vërtetësia e kësaj çertifikate mund të kontrollohet online.