Kjo është arsyeja e shkarkimit të bordit të Infrakos nga Qeveria Kurti
Bordi i Infrakosit nuk e kishte shkarkuar kryeshefin e kësaj ndermarrje, Agron Thaçi, edhe pse ndaj tij ishte ngritur aktakuz për keqpërdorim.
Prokuroria Themelore në Prizren kishte ngritur aktakuzë ndaj Agronit Thaçit, kryeshefit ekzekutiv të Ndërmarrjes së Infrastrukturës së Hekurudhës së Kosovës (Infrakos).
Sipas Prokurorisë, Thaçi dyshohet se gjatë vitit 2013 në Fushë Kosovë, duke shfrytëzuar detyrën apo autoritetin zyrtar nuk i ka përmbushur detyrat zyrtare me qëllim të përfitimit të dobisë pasurore për vete, shkruan Ballkani.info.
“Prokuroria Themelore në Prizren, Departamenti i Krimeve të Rënda, ka ngritur aktakuzë kundër S.P., N.K., V.I., B.N., B.K., A.Th., dhe N.A., në cilësinë e personave zyrtarë, për shkak të dyshimit të bazuar se kanë kryer veprën penale ‘Keqpërdorimi i pozitës apo autoritetit zyrtar’”, thuhej në njoftimin e Prokurorisë.
Agron Thaçi akuzohet se nuk ka vepruar sipas Ligjit, duke i shkaktuar dëme ndërmarrjes publike Infrakos.
“Me këto mosveprime, pronën, patundshmërinë si dhe infrastrukturën e hekurudhës në pjesën e Komunës së Prizrenit e ka bërë të papërdorshme duke i shkaktuar kësaj kompanie dëme materiale. Me çka ka në vazhdimësi ka kryer veprën penale ‘Keqpërdorimi i pozitës apo autoritetit zyrtar’”, njoftonte Prokuroria. /Ballkani.info/
