Misioni paqeruajtës i NATO-s në Kosovë, KFOR-i, ka njoftuar se janë duke zhvilluar trajnime ushtarake në kontrollimin e trazirave dhe turmave.

Përmes një publikimi në Facebook, KFOR-i njoftoi se forcat italiane dhe çeke bashkërisht janë duke zhvilluar stërvitjet, për siç thanë ata, “fuqizimin e ndërveprueshnërisë”.

“Njësia e Specializuar Shumëkombëshe e KFOR-it (MSU) zhvilloi trajnimin për Kontrollin e Turmave dhe Trazirave (CRC) këtë javë. Personeli italian italian, Karabinierët dhe personeli çek u stërviten së bashku për të vazhduar forcimin e ndërveprimit të njësisë dhe për të ruajtur aftësitë e tyre ushtarake dhe gatishmërinë operacionale”, tha KFOR-i në një postim në Facebook.