COVID-19

Këtyre moshave u takojnë tri viktimat e sotme të COVID-19 në Kosovë

Gjatë 24 orëve të fundit në Kosovë janë regjistruar 3 viktima nga COVID-19.

Në mesin e viktimave është një burrë i moshës 50-59 vjeçare nga Vushtrria dhe një burrë dhe një grua mbi 80 vjeç nga Komuna e Ferizajt dhe Shtërpcës.

Gjatë 24 orëve të fundit në vend janë regjistruar 508 raste të reja me COVID-19.

Ndërsa, gjatë kësaj kohe 1 mijë e 281 qytetarë janë shëruar nga ky virus.

Komuna e Prishtinës edhe sot prinë për numrin më të madh të rasteve të reja me COVID gjatë 24 orëve të fundit, me 71 raste.