Kështu i vëjnë flakën tankut rus disa të rinj ukrainas

Disa të rinj ukrainas i kanë vënë flakën një tanku rus teksa po kalonin pranë tij me veturë.

Pamjet janë shpërndarë në rrjetin social Twitter ku shihen të rinjt duke i vënë flakën tankut rus.

“Jeni të sigurt që dëshironi të keni luftë me këtë komb”, thuhet në postim.

Ndryshe ka pasur shenja për sulme të reja në Kiev, pasi sirenat ajrore janë dëgjuar të hënën dhe banorët janë strehuar në ambiente nëntokësore.

Transmetuesi britanik, BBC, ka thënë se përleshjet po afrohen afër zemrës së kryeqytetit ukrainas.

Takimi disaorësh mes Ukrainës dhe Rusisë ka përfunduar, ndërsa një zyrtar i presidencës ukrainase ka thënë se bisedimet kanë qenë të vështira dhe se pala ruse nuk është e penduar nga ajo që ka shkaktuar.