Këshilltari i Vjosa Osmanit i kundërvihet zv. Ministrit të Financave: Ku u avulluan 2.1 milionë euro?
Këshilltari i ushtrueses së detyrës së presidentit, Faton Peci, iu është kundërvyer Zëvendësministrit të Financave, Agim Krasniqi, i cili tha se Presidenca dhe Kuvendi i ndau për nëpunësit 600 euro shtesa, krahas pagave.
Peci, përmes ‘Facebook’-ut, iu referua termit ironik që përdori Krasniqi, përkatësisht “lulëzimin ekonomik”, duke e pyetur se “ku u avulluan 2.1 milionë euro”, duke i referuar vjedhjes së Thesarit të Shtetit.
Tutje, ai ka thënë se në këtë vendim të përmendur nga Krasniqi kanë marrë pjesë në të gjitha partitë.
Postimi i plotë:
Para se të flisni për “lulëzim ekonomik”, në Kuvend e Presidencë zevendesministri i financave le t’i tregon qytetarëve të Kosovës ku u avulluan 2.1 million euro të taksapaguesve të Kosovës.
Sa për vëmendjen e zv.ministrit dhe të publikut, Kuvendi i Kosovës ia ka rikthyer Qeverisë në rishikim të buxhetit mbi 1.5 milion euro kursime!
Prandaj, zv. ministër (drejtor i buxhetit i PAN-it), ku mbeten 2.1 milion euro?!
P.S./ Vendimi i Kuvendit është kolegjial. Në Kryesi marrin pjesë të gjitha partitë, teksa këtë vendim Kryetarja e Kuvendit nuk e ka votuar.
