Kërkesa për paraburgim do të dorëzohet sot gjatë ditës nga ana e prokurorit.

Kështu tha për Klankosova.tv zëdhënësi i Prokurorisë Themelore të Pejës Shkodran Nikçi.

“Prokurori është duke e përpiluar kërkesën për paraburgim”, tha Nikçi.

Ai shtoi se ndaj arsimtarit janë marrë edhe veprime tjera hetimore.

“Atij i është konfiskuar edhe telefoni”, tha ai.

Të hënën është ndaluar një arsimtar për 48 orë.

Ai dyshohet se e ka puthur një nxënëse të klasës së shtatë.

Rasti ka ndodhur në shkollën fillore “Lidhja e Prizrenit” në Deçan dhe është cilësuar si “Sulm seksual”.