Selim Selimi, ministri i Drejtësisë dhe përfaqësuesi i AAK-së në dialog, kërkoi sot në mbledhjen e Qeverisë pezullimin e menjëhershëm të dialogut Kosovë-Serbi për shkak të konfirmimit të aktakuzave ndaj figurave më kryesore të UÇK-së dhe politikës së pasluftës.
Kryeministri Avdullah Hoti iu përgjigj duke thënë se nuk ndërhyjnë në vendimet e organeve të drejtësisë dhe se në Qeverinë e Kosovës nuk ka hapësirë për sjellje ndryshe, njofton Klan Kosova.
Zëdhënësi i BE-së, Peter Stano, për klankosova.tv nuk e ka komentuar deklaratën e Selimit, por rikujtoi se kryeministri Hoti është zotuar për dialog dhe vazhdim të tij pas rifillimit.







