Deputeti i Partisë Demokratike të Kosovës, Ardian Kastrati, ka thurur lavde për Bekim Azizin, kandidat i PDK-së për kryetar të Vitisë.
Kastrati ka shkruar Azizi êshtë i ri jo vetëm në moshë por edhe në ide. “Bekimi është ish ushtar i UÇK-së dhe
rrjedh nga nje familje atdhetare e cila i shërbeu Kosovës në çdo kohë (të gjithë vëllezërit e tij iu bashkuan UCK-së)”.
Sipas tij, Bekim Azizi është ky shancë dhe qytetarët e Vitisë kanë pjekuri aq sa ti tejkalojnë paragjykimet politike dhe të votojnë për njerëz me dinjitet e paafera si Bekim Azizi.
Postimi i plotë:
Për zgjedhjet lokale PDK çdo ditë po zyrtarizon kandidatët e saj me përvojë dhe të dëshmuar para qytetarëve. Sot, vendosa ta veçoj Bekim Azizin, kandidat i PDK-së për kryetar të Vitisë. Jo vetëm pse është mik , por Bekimi është njeri i kompletuar, mbi të gjitha njerëzor dhe i afërt me qytetarin e Vitisë. Bekim Azizi êshtë i ri jo vetëm në moshë por edhe në ide. Bekimi është ish ushtar i UÇK-së dhe
rrjedh nga nje familje atdhetare e cila i shërbeu Kosovës në çdo kohë (të gjithë vëllezërit e tij iu bashkuan UCK-së).
Bekimi është Magjistër Shkence në inxhinieri mekanike dhe aktualisht është profesor në shkollën e mesme profesionale në Viti. Jo pse është kandidat i PDK-së, por Bekimi është shpresa e gjeneratave të reja për të ndërruar epokat e qeverisjes në Viti. Është koha që të kalohet nga modelet e vjetra e të lodhura në modele të qeverisjes dinamike që hapin përspektiva zhvillimore pêr Vitinë dhe rininë e saj. Bekim Azizi është ky shancë dhe qytetarët e Vitisë kanë pjekuri aq sa ti tejkalojnë paragjykimet politike dhe të votojnë për njerëz me dinjitet e paafera si Bekim Azizi.







