Kaq u kushton furnizimi me bukë e byrekë Spitalit të Pejës

Spitali i Përgjithshëm i Pejës shumë shpejt do të furnizohet me bollëk sa i përket ushqimit.

Lidhur me këtë, ditë më parë është finalizuar një kontratë e cila këtë institucion shëndetësor do ta furnizojë me bukë e byrekë

Ani pse vlera e parashikuar e kontratës ka qenë 22 mijë e 100 euro, e njëjta është arritur të nënshkruhet për shumën prej 18 mijë e 944 euro.

Tutje, bëhet e ditur se ky tender i është besuar operatorit ekonomik “Oreksi” Sh.P.K. Për të njëjtin tender thuhet se kanë qenë vetëm dy ofertues.

Kontrata në fjalë do të zgjasë jo më shumë se 12 muaj.