OAK

Kallëzim penal ndaj kryetarit të Odës së Avokatëve Osman Havolli

Kryetari i degës së OAK-së, në Prishtinë, Nasuf Hasani ka ushtruar kallëzim penal ndaj kryetarit të OAK-së, Osman Havolli, nën dyshimet për keqpërdorim të besimit.

Sipas kallëzimit penal të cilin e ka siguruar KALLXO.com, Osman Havolli në cilësinë e kryetarit të OAK-së, me datën katër dhe gjashtë korrik, ka realizuar një udhëtim zyrtar dhe ka shpenzuar 4.155 euro pa marr lejen nga Këshilli Drejtues i OAK-së, në kundërshtim me rregulloren për menaxhimin e financave të OAK-së.

Sipas Hasanit kjo çështje nuk është diskutuar fare në asnjë mbledhje të Këshillit drejtues të OAK-së, për të marrë pëlqimin në lidhje me harxhimet e këtij udhëtime.

KALLXO.com, ka kontaktuar me kryetarin e OAK-së, Osman Havolli i cili për redaksinë tonë ka thënë se tani u informua në lidhje me këtë çështje.

“Prej teje e kuptova, asgjë nuk di “, u përgjigj shkurt, Havolli për KALLXO.com.