Pas studimeve në programin katër vjeçar, kadeti Valdet Hasani diplomoi me sukses të lartë në Akademinë Ushtarake Kroate dhe Universitetin e Zagrebit në Kroaci, në drejtimin “Menaxhment dhe lidership ushtarak”.
Suksesi i kadet Hasanit, është suksesi i radhës së kadetëve, ushtarëve, nënoficerëve dhe oficerëve të FSK-së, në akademitë, qendrat profesionale dhe poligonet ushtarake të vendeve partnere, të cilët po prezantojnë vendin, kombin dhe FSK-në në mënyrën më të mire duke dëshmuar të ardhmen tonë të sigurtë.
Pas diplomimit, kadet Hasani do të i bashkëngjitet radhëve të oficerëve të rinj të FSK-së dhe kolegëve të tjerë për të zbatuar njohuritë dhe përvojën profesionale të fituar në detyrat dhe përgjegjësitë ushtarake në FSK.







