Juventusi interesohet për Willian
Kampioni i Italisë, Juventusi i ka bërë ofertë zyrtare skuadrës së Chelseat për mesfushorin brazilian Willian.
“Daily Mail” ka raportuar të mërkurën se Juventusi po kërkon transferimin e Willianit gjatë afatit kalimtar të janarit dhe për kartonin e tij ka ofruar dhjetë milionë euro dëmshpërblim.
Arsyeja e kësaj oferte të ulët është për shkak se Willian ka kontratë me Chelsean deri në fund të këtij edicioni dhe prej janarit është i lirë të negociojë me ekipet tjera, pasi nuk do t’i ofrohet kontrata e re te londinezët.
Willian pëlqehet nga trajneri i Juventusit, Maurizio Sarri që edicionin e shkuar ka punuar me të te Chelsea dhe e sheh si përforcim të duhur për ekipin italian.
31-vjeçari, këtë edicion ka shënuar tri gola dhe ka bërë katër asistime në 21 ndeshje për Chelsean në të gjitha garat.
