‘Jetë të gjatë o Ilir Meta’, presidentit shqiptar i kushtojnë këngë pas sherrit me Policinë
Vetëm një ditë pas sherrit që Presidenti Ilir Meta pati në zyrat e FRD-së, rapsodi Gëzim Ahmetaj i ka kushtuar një këngë atij.
Kënga që deri më tani ka marrë mijëra klikime titullohet, “Jetë të gjatë o Ilir Meta“, ndërsa në video shihen disa nga momentet me pikante dhe kulminante të Presidentit.
Kujtojmë se ditën e djeshme Presidenti Meta ishte protagonisti kryesor i ditës, pas një përplasje që kishte me policinë Bashkiake, ku këta të fundit kërkonin që subjekti politik, FRD të lironte zyrat për shkak të mbarimit të kontratës me bashkinë e Tiranës.
