Japonia pritet të shpallë gjendje të jashtëzakonshme për shkak të koronavirusit
Kryeministri i Japonisë, Shinzo Abe pritet të shpallë gjendje të jashtëzakonshme për tëndaluar përhapjen e koronavirusit, pasi numri i rasteve me Covid-19 në vend u rrit në mbi 4.500 persona.
Sipas agjencisë së lajmeve, Kyodo, gjendja e jashtëzakonshme, e para e këtij lloji në Japoni, pritet të shpallet të martën e cila do të jetë efektive nga e mërkura.
Një gjendje e jashtëzakonshme do të kufizojë të drejtat individuale, duke lejuar zyrtarët të bëjnë thirrje për veprime specifike për të parandaluar përhapjen e virusit, shtoi agjencia.
Që nga e diela, numri i rasteve të koronavirusit në Japoni u rrit në 4.563, përfshirë rreth 700 nga anija “Diamond Princess”, ndërsa deri më tani 104 persona kanë humbur jetën