Ja si ta përgatisni vajin për mjekër në kushte

Rritja e mjekrës është trendi më i mirë për meshkujt vitet e fundit.

Por kjo tendencë duket se nuk u përshtatet të gjithëve, mirëpo atyre që u shkon duhet të kujdesen mirë për të.

Ju mund të pyesni veten, se për çfarë produktesh mund të keni nevojë, e në këtë artikull do të mësoni se të mbash mjekër nuk është aq e lehtë. Nëse dëshironi që mjekra juaj, apo e partnerit të jetë e butë, e pastër kjo do të thotë më shumë sesa thjesht larje fytyre.

Receta që do ju japim më poshtë mund të ndihmojë në luftimin e rritjes së baktereve e gjithashtu do të mbajë mjekrën dhe lëkurën tuaj të hidratuar.

Kjo recetë e vajit të mjekrës ndihmon gjithashtu në luftën kundër akneve.

Vaj kokosit është përbërësi kryesor në këtë recetë. Ai jo vetëm që do të mbajë mjekrën tuaj dhe lëkurën të hidratuar, por gjithashtu parandalon shumimin e baktereve, në këtë mënyrë, vaji i kokosit ndihmon në luftën kundër puçrrave të fytyrës, por nëse keni lëkurën e thatë mund të përdorni vaj bajameje.

Për këtë recetë do t’ju duhet:

Vaj kokosi ose vaj bajame

Dy vajra esenciale të ndryshme. Ju mund të zgjidhni të përdorni lavandë, mente, vajin e pemës së çajit apo eukalipt.

Përgatitja:

Ngrohni një lugë gjelle vaj kokosi (rekomandohet në trajtë lëngu) Përzieni 7 pika të çdo vaji esencial dhe përziejeni. Me ndihmën e një krehri merrni pak nga përzierja dhe aplikojeni në mënyrë të barabartë në të gjithë mjekrën tuaj.