Ministri i Shëndetësisë, Uran Ismaili, ka zhvilluar sot një takim me Ambasadorin Amerikan në Kosovë, Philip Kosnett.

Gjatë këtij takimi, ministri Ismaili e ka njoftuar ambasadorin amerikan për punën dhe reformat që janë duke u realizuar në sektorin e shëndetësisë.

Ai e ka falënderuar ambasadorin Kosnett për mbështetjen e Shteteve të Bashkuara të Amerikës për shtetin e Kosovës gjatë historisë.

Gjatë takimit ambasadori Kosnett ka thënë se “shëndeti dhe arsimi janë në thelbin e të ardhmes së Kosovës”.

Ambasadori amerikan vlerësoi përpjekjet e ministrit për ta ndërtuar një strukturë të qëndrueshme për ofrim më të mirë të shërbimeve.