Edmond Mustafa
Ishte në kërkim, arrestohet i dyshuari për vrasjen e shqiptarit që ishte pjesë grupit kriminal ‘Skaljari’ në Mal të Zi
Është arrestuar Dino Ibrahimoviç i dyshuar si autori i vrasjes së sotme të Edmond Mustafës në Tivar, mëson Televizioni E.
Ibrahimoviç ishte në kërkim për vrasjen e Shcepan Roganoviqit nga Novlja.
29 vjeçari Edmond Mustafa është vrarë mëngjesin e sotëm në cepin e rrugës Popa Dukljanin në Tivar, thuhet në njoftimin e Drejtorisë së Policisë.
Hetimet janë duke vazhduar, përveç që në vendin e ngjarjes ndodhen edhe prokurorja kujdestare Irena Buriq dhe ekspertë balistikë, si dhe kreu i policisë së Tivarit.
Pas denoncimit të ngjarjes, siç njoftojnë nga Drejtoria e Policisë, menjëherë është vendosur bllokimi i qytetit, ndërsa policia ka ndërmarrë taktika të gjera operacionale dhe masa e veprime teknike për zbardhjen e rrethanave dhe ndriçimin e kësaj ngjarje.
:Në masat e ndërhyrjes së parë, në ambientet zyrtare të policisë është sjellë një person, identiteti i të cilit bëhet i ditur nga punonjësit e Drejtorisë së Policisë dhe në lidhje me të cilin po kryhen kontrolle të hollësishme për shkak të dyshimit se ai. është i lidhur ose mund të lidhet me kryerjen e kësaj vepre penale” – shtohet në njoftim.
Hetimet do të drejtohen nga një prokuror i Prokurorisë së Lartë të Shtetit në Podgoricë.
VIDEO BONUS: Balje flet për kërkesën e OJQ-ve për shkarkim: S’ndryshoj mendim, unë s’i përkrahi kërkesat e tyre
