Isa Mustafa mbledh kryesinë e partisë, pas takimit iu drejtohet mediave

Sot në orën 13:00 do të mblidhet Kryesia e Lidhjes Demokratike të Kosovës. Një gjë e tillë është konfirmuar përmes një komunikate për media të lëshuar nga zyra për media e kësaj partie.

Në njoftim nuk është treguar arsyeja e takimit, megjithatë me shumë gjasë do të diskutohet rreth asaj se si do të procedohet tutje në përpjekjen për arritjen e një koalicioni me Lëvizjen Vetëvendosje.

Mediat nuk do të lejohen të marrin pjesë në këtë takim, megjithatë Mustafa do t’iu drejtohet në një konferencë pas takimit.

Ky takim i krerëve të LDK’së vjen një ditë pas shpalljes përfundimtare të rezultateve nga KQZ-ja.

loading…