Pas sulmit të sotëm me raketa balistike iraniane në qytetin izraelit Be’er Sheva, u gjetën mbetje të municioneve thërrmuese që u hodhën nga një raketë balistike iraniane.

Këtë e ka konfirmuar eksperti izraelit i zhvillimit të raketave balistike Tal Inbar, i cili theksoi se nuk dihet se çfarë lloj rakete mbante bombat thërrmuese, transmeton Ballkani.info.

Nga ana tjetër, sipas informacioneve të ekspertëve iranianë, vetëm raketa Khoramshahr-4 është e aftë të mbajë bomba thërrmuese në kokën e saj.

For the first time, a SUB-MUNITION from an Iranian BM was found in Israel. It is not yet clear on what type of missile it was installed. pic.twitter.com/HgwxCsE0FS

— Tal Inbar (@inbarspace) June 19, 2025

Raketa Khoramshahr-4 mban një kokë lufte me një masë të deklaruar deri në 1500 kg, e cila i lejon asaj të mbajë një gamë të gjerë kokash, prandaj kjo raketë është shpallur bartëse e armëve të mundshme bërthamore.

Iranianët pretendojnë se koka mund të mbajë dy lloje municionesh thërrmuese, gjë që ndryshon numrin e bombave thërrmuese të bartura nga koka.

Në fazën e fundit të fluturimit, koka e luftës nxjerr municionet thërrmuese, duke i shpërndarë ato në mënyrë që të godasin një zonë sa më të madhe. /Ballkani.info/