Instituti Kombëtar i Shëndetësisë Publike ka bërë thirrje drejtuar qytetarëve të Kosovës duke thënë ‘Na ndihmoni pak që ne të ju ndihmojmë shumë’.

Ky njoftim erdhi si rezultat i grumbullimeve të qytetarëve në qytet, parqe e vende tjetra të hapura.

IKShPK thotë se grumbullimi në këto vende rrezikon shëndetin e popullatës dhe përhapjen e koronavirusit.

Ministria e Shëndetësisë dhe IKShPK bën thirrje të që qytetarët të qëndrojnë në shtëpi duke respektuar masat higjienike dhe distancimin social, në mënyrë që të parandalohet përhapja e koronavirusit.

“TA PARANDALOJMË KËTË! QËNDRONI NË SHTËPI, KJO UA SHPËTON JETËN!’, bën thirrje IKShPK.

Më poshtë gjeni njoftimin e plotë të IKShPK’së:

NA NDIHMONI PAK QË TË JU NDIHMOJMË SHUMË!

• IKShPK shpreh shqetësimin për lëvizjet e shumta dhe grumbullime të qytetarëve në qytet, parqe dhe vende rekreative të hapura, të cilat mund të rrezikojnë shëndetin e popullatës dhe përhapjen e COVID-19, e cila aktualisht është e lokalizuar.

• Por, nese nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.