Ferit Idrizi
Idrizi: Arsimi duhet të jetë prioritet nacional
Kryetari i Komunës së Vushtrrisë, Ferit Idrizi, vlerëson se duhet një debat i gjerë pozitë-opozitë-qeveri dhe të vendoset arsimi prioritet në vendin tonë.
“Inovacioni, teknologjia, produktet cilësore për treg e çdo gjë lidhet me arsimin. Dhe nëse kemi pilotuar projekte prej pas luftës, cila qeveri ka ardhur ka bërë një program e kurrikulë për arsimin dhe kemi parë që asnjë s’kemi mundur ta vendosim si duhet, atëherë duhet një konsensus nacional që arsimi të nxirret me prioritet kombëtar ashtu siç ka vepruar Finlanda në vitin 1985 dhe prandaj e ka një arsim cilësor e plot shtete tjera pikërisht se kanë arritur konsensus nacional sepse është një projekt shumë i madh dhe nuk do të mundet asnjë qeveri e vetme t’ia dalë”, deklaroi ai në emisionin Rubikon në Klan Kosova.
