Identifikohet personi që e kërcënoi Dritan Abazoviç, po kërkohet nga Interpoli
Dritan Abazoviç udhëheqësi i Nismës Qytetare URA është kërcënuar me jetë nëse bashkëpunon me “çetnikët”, për krijimin e qeverisë malazeze.
Personi i dyshuar është një 69-vjeçar nga Rozhaja, i cili jeton në Suedi.
Për këtë arsye, policia malazeze ka kërkuar ndihmën e Interpolit.
Përmes komenteve në Facebook dyshohet se R.SH, më 10 shtator, i tha Abazoviçit se do të masakrohej nëse vazhdonte “miqësinë” e tij, domethënë negociatat dhe bashkëpunimin me “çetnikët”.
Kjo çështje, sipas policisë, po trajtohet nga Prokuroria e Ulqinit.
Për shkak të një sërë kërcënimesh, më 3 shtator, URA kërkoi një vlerësim urgjent të sigurisë së udhëheqësit, Dritan Abazoviç dhe pronës së tij nga Agjencia e Sigurisë Kombëtare e Malit të Zi dhe Drejtoria e Policisë.
