Video
Ia lënë fajin njëri-tjetrit, thyhet përfundimisht marrëdhënia e Romeos me Meritonin
Është diskutuar edhe në spektaklin e natës së sotme (e martë) raporti ndërmjet Romeo Veshajt dhe Meriton Mjekiqit.
Dyshja, të cilët kanë qenë miq të ngushtë, prej kohësh janë kthyer në rivalë të njëri-tjetrit.
Atyre i është publikuar edhe një klip, ku flasin për situatat e fundit që kanë ndodhur mes tyre.
Prezantuesi nga Vlora thotë se marrëdhënia e tyre është thyer përfundimisht pasi nuk i kanë pëlqyer shumë gjëra të Meritonit.
“Marrëdhënia jonë është thyer përfundimisht”, u shpreh ai.
Moderatori nga Kosova në anën tjetër iu drejtua Romeos: “Më ke vënë gjithnjë poshtë”.
Debati i tyre po vijon prej javësh dhe duket se nuk ka paqe, pasi vazhdimisht akuzojnë për çdo gjë, duke përmendur edhe njerëz nga jashtë. /Telegrafi/
