Me ngulm, pushteti i Albin Kurtit tentoi që pozitën e nënkryetarit të Kuvendit për komunitetin serb t’ia siguronte Nenad Rashiqit. Për më tepër, u kërkua që Rashiqi të distancohej nga Lista Serbe, ndërkohë që vetë Kurti, i cili ia besoi detyrën e Ministrit për Komunitete dhe Kthim, tha se Rashiqi ka punuar më së shumti për serbët.

“Nenad Rashiq e pranon Republikën e Kosovës, punon për institucionet e shtetit tonë dhe ka punuar më së shumti për serbët,” deklaroi Kurti për gazetarët kur u pyet rreth mbështetjes së tij për Rashiqin në pozitën e nënkryetarit.

Në anën tjetër, Albulena Haxhiu, e cila mbi 50 herë ka dështuar të zgjidhet kryetare e parlamentit, u kujdes që opozitës t’i shkruante për t’ia siguruar votën Rashiqit.

“Nuk ju kam kërkuar votën për veten si kryetare e parlamentit, por po e kam kërkuar për Nenad Rashiqin,” deklaroi Haxhiu gjatë një debati televiziv, duke shtuar se duhet bërë diferencim i Rashiqit nga Lista Serbe.

Por me kaq ngulm nuk po punon Rashiq për të mirën e Kosovës.

Ai po i “ngul” Albin Kurtit kandidatë në listë që kanë folur keq për shtetin, të cilët i kanë quajtur “heronj” kriminelët serbë të Banjskës.

Kush është Vesna Pantoviq?

Nën llogon e Partia për Liri, Drejtësi dhe Mbijetesë e Nenad Rashiqit për zgjedhjet komunale, më saktë atë të Leposaviqit po kandidon një person që paraqet rrezik për Kosovë, që po e çon përpara propagandën e Vuçiqt ndaj Kosovës.

I preferuar i pushtetit të Albin Kurtit, ai ia besoi kandidaturën për kryetare të Leposaviqit Vesna Pantoviqit, e cila ka bërë deklarata publike kundër Kosovës dhe shqiptarëve.

I preferuari i Kurtit fut Vesna Pantoviqin në listë – ajo quajti ‘heronj’ kriminelët serbë të Banjskës që vranë Afrim Bunjakun - Insajderi - Vesna Pantovic

Pantoviq, deri vonë ka qenë drejtoreshë për arsimin në Komunën e Leposaviqit nën administrimin e Lulzim Hetemit nga Vetëvendosje.

Ajo ka folur në televizionin serb propagandistik Informer duke quajtur Milan Radoiciqin dhe grupin e armatosur në Banjskë “heronj”, ka fyer Ushtrinë Çlirimtare të Kosovës, ka quajtur ROSU “terroriste” dhe ka përdorur gjuhë të rëndë ndaj popullit shqiptar.

I preferuari i Kurtit fut Vesna Pantoviqin në listë – ajo quajti ‘heronj’ kriminelët serbë të Banjskës që vranë Afrim Bunjakun - Insajderi - Pantoviqqq

Para dy muajsh, Pantoviq është emëruar në Këshillin Qendror të Partisë Socialiste të Serbisë, partia e Millosheviqit dhe Daçiçit.

Më 28 dhjetor 2022, gjatë barrikadave në veri, ajo është parë në Rashkë në takim me Radoiciç dhe presidentin Vuçiq.

I preferuari i Kurtit fut Vesna Pantoviqin në listë – ajo quajti ‘heronj’ kriminelët serbë të Banjskës që vranë Afrim Bunjakun - Insajderi - Vesna e Milani

Ndërkohë, sot Kosova shënon dyvjetorin e sulmit terrorist në Banjskë, njëkohësisht kur Pantoviq e zgjedhura e Rashiqit të preferuarit të Kurtit i ka quajtur “heronj” kriminelët serbë që vranë Afrim Bunjakun. /Insajderi/