Antonia Tolaj ka humbur jetën në një aksident komunikacioni, në qytetin Leipzig të Gjermanisë.
Antonia ishte nga fshati Pobërgja e Deçanit.
Ajo ka ndrruar jetë më datën 11 Dhjetor, në moshën 25 vjeçare.

Poeti i njohur, Mentor Thaqi nga Deçani, ja kushton një poezi të ndjerës, e cila ndrroi jetë në një fatkeqësi komunikacioni, në qytetin Leipzig të Gjermanisë. /Gazeta Demos/
Poezi nga Mentor Thaqi:
AH MORDJE, BRE
(Vajzës së Luan H. Tolaj, Antonias, postmortum)
Ev po rândë kènka pshtjellë n´dhimbje
Trualli i Hasan Qerim Vokshit, o i Lumi Zot,
falë t´kjofshim o i Madhërishmi i Gjithësisë,
fort rândë paske sprovue t´dashtunit tândë …
ma e rândë kjo barrë se fuqia e trupit
Paska kthy sytë Rrasa e Zogut knèj prej nesh
ngjilit kah 7 copë Voksh-ët, sytë t´përshklliem në lotë e meçavë rënkimi tue lëshue bashk me orteqe deri te Kullat e Pobërgj´s
Na paska ikë një Zânë Shqypnie,
e paska thirrë Përjetësia e ajo pa pvetë kân, përgjegjë iu paskësh, bre medet
fort e lidhne me gjyshen, fort e lidhne me hallen
me mbesa e stërmbesa,
t´nji moshe, t´nji shpirti …
dil e prite o baca Hasan
se fort bre, fort
e deshti gjyshin,
njajo Gocë e Bregmalit Vokshian
Ah bre, mërgimtarë
t´mërguem jemi
bash si pika n´lis … ku me ra,
ku me u tretë
po i rrisim fëmijtë me frymë
dashnie t´Vènit tonë
për me i deshtë Komb,
Dhè e AtDhè,
me deshtë Prag, Vâtër
e Tërvezë
pa asnjë t´zezë
me njëmijëenjë bekime, urata …
me u plakë n´Vèn t´Djepit t
´Etërve
pa e bâ mènd se mordja shiton
befas e msheftas
Ev e Bukura e Fisit t´Moçem
po fort t´kish pas hijeshu jeta
bre mixhë,
tue të bâ gati për Nuse
Përjetësie, medet
barrë e rândë për shpirtnat e
lodhun e t´dërmuem
Ani bre mixhë, ani
bukurinë merre me veti
por dashuninë e mallin na i lën
k´tu
do t´i ruajmë përjetësisht …
shpirtnisht … besnikërisht
oj e bukura e Fisit t´Moçem
…
Mentor Thaqi
12 Dhjetor 2021







