Hoxhaj: Kurti bëri pazare me familjarët e deputetes – Grainca duhet ta kthej mandatin e PDK-së
Kryetari i PDK-së, Enver Hoxhaj, ka thënë në emisionin Pressing në T7 se deputetja Adelina Grainca duhet ta kthejë mandatin e saj tek PDK-ja.
Grainca kaloi tek VV në ditën kur u zgjodh Presidentja, ndërkohë Hoxhaj thotë se kalimi i saj është kontabandim i deputetëve dhe tjetërsim i vullnetit të qytetarëve.
Hoxhaj po ashtu tha se Vjosa Osmani nuk është presidente unifikuese por dorë e zgjatur e Kurtit.
“Albin Kurti bëri pazare me deputeten tonë, me Listën Serbe me anë të Iniciativës Rome dhe me parti tjera. Kërkojmë nga zonja Grainca të na kthejë mandatin. Kemi informata se Kurti nuk ka pasur kontakte fare me Graincën por me familjarë të saj”, tha ai.
