Vendos Kryesia

Hoti raporton të enjten në Kuvend në dy interpelanca

Kryetarja e Kuvendit, Vjosa Osmani, ka thënë se të enjten do të mbahet seancë me pikat e papërfunduara, për të cilat nuk ka pasur kuorum për vendimmarrje, ndër të cilat përfshihen edhe marrëveshjet ndërkombëatre.

Këtë e ka bërë të ditur ajo pas mbledhjes së Kryesisë. Ndërkaq, në ora 11:00 do të mbahet seancë e re, ku në rend dite janë edhe dy interpelanca të kryeministrit Avdulah Hoti.

“Në seancën që do të mbahet të enjten do të vazhdojmë me votimin e pikave që nuk ka pasur kuorum. Ndërkaq në ora 11:00, do të mbahet seancë e re, ku do të jenë disa projektligje, votime të fshehta”, tha Osmani.