Kryeministri

Hoti: Nuk ka pushim të hënën, të gjitha institucionet do të punojnë

Kryeministri i Kosovës, Avdullah Hoti ka njoftuar se e hëna do të jetë ditë pune.

Vjetëve të kaluar data 29 ka qenë ditë pushimi në nderim të “ditës së çlirimit” të Shqipërisë, këtë vit dita e hënë do jetë ditë pune, edhe pse data 29 ka rënë ditën e diel, që është ditë pushimi çdo javor, transmeton Ballkani.info

Sqarimi i Hotit:

Qeveria e Republikës së Kosovës, sqaron opinion publik se dita e hënë, 30 nëntor 2020, do të jetë ditë e rregullt e punës. Në të gjitha institucionet shtetërore, në institucionet arsimore në të gjitha nivelet, do të punohet me orar të rregullt, në përputhje me masat anti Covid të ndërmarra nga Qeveria. Ky vendim vjen si solidarizim me të gjithë ata të cilët janë në linjën e parë të frontit me pandeminë Covid- 19, punëtorët shëndetësor, stafin mbështetës në institucionet shëndetësore, polici dhe inspektorat, të cilët janë duke punuar për disa muaj me radhë pa asnjë ditë pushimi. Për shkak të masave në kuadër të menaxhimit të situatës me pandeminë Covid-19, institucionet janë duke punuar me staf të përgjysmuar. Ndërsa të gjitha aktivitetet për shënimin e 28 nëntorit, Ditës së Flamurit, do të zhvillohen nesër, poashtu në përputhje me masat e vendosura nga Qeveria.