Hoti falënderon eurodeputetët për letrën dërguar Merkelit ku kërkojnë liberalizimin e vizave për kosovarët
Kryeministri i Kosovës, Avdullah Hoti, ka falënderuar deputetët e Parlamentit Evropian për letrën drejuar kancelares Merkel, përmes së cilës kërkohet liberalizimi i vizave për qytetarët e Kosovës.
“Faleminderit deputetëve të Parlamentit Evropian për letrën drejtuar Kancelares Merkel, ku i kërkojnë që liberalizimi i vizave për qytetarët e Kosovës të vihet në agjendë gjatë Presidencës së BE-së nga Gjermania që fillon më 1 korrik 2020”, ka shkruar Hoti.
Kujtojmë se sot 33 anëtarë të Parlamentit Evropian i kanë shkruar kancelares gjermane, Angela Merkel, duke i kërkuar liberalizimin e vizave për Kosovën brenda vitit 2020.
