Kompania e njohur nga Teksasi e cila merret me modifikimin e veturave, Hennessey Performance, është marrë me modelin e ri 600LT të McLarenit ka fundi i viti të kaluar. Tani, pas disa muaj, kjo kompani ka zbuluar se çfarë më saktësisht ka bërë me të.
Gjithashtu, Hennessey ka publikuar disa fotografi të McLaren 600LT të modifikuar. Kreacionin e saj, Hennessey e ka emëruar HPE800 dhe ka premtuar se këtë model do ta sjellë me më shumë fuqi për dallim nga ai standard.

Bazuar në numrat që janë në emër, HPE800, lë të nënkuptohet se modeli i modifikuar i Hennesseyt mund të vijë me kapacitet prej së paku 800 kuajfuqi, transmeton Koha.net. Po ashtu, modelet si Cadillac Escalade, Jeep Grand Cherokee SRT8 dhe Dodge Charger SRT Hellcat janë automjetet të cilat gjithashtu kanë marrë etiketën HPE800 dhe secili prej tyre është me kapacitet prej mbi 800 kuajfuqi.
