Haziri: Është koha të punohet e të lëmë fjalët anash

Kandidati për kryetar të LDK-së, Lutfi Haziri, ka folur për media pas votimit.

Ai ka vlerësuar si kolegë, miq e bashkëpunëtorë të mirë dy kandidatët tjerë për postin e të parit të LDK-së, Lumir Abdixhikun e Besian Mustafën.

“Jam jashtëzakonisht mirë. Jam i lumtur e krenar me sjelljen, përgjegjësinë e unitetin që e kemi. Unë e kam thënë edhe më herët se Lumiri e Besiani janë kolegë të mirë, miq të mirë, bashkëpunëtorë të mirë dhe emra kredibil për ta udhëhequr LDK-në. Unë e përfundova procesin e votimit. Kjo ditë e bardhë, shpresoj të jetë ditë që të jap përgjegjësinë e të ndajë përgjegjësi. Ne kemi pasur kohë dy javë ditë të flasim me të gjitha strukturat, njerëzit e delegatët. E respektova vlerësimin e dy kolegëve të mi, që të mos e teprojmë me fjalime. Koha në LDK është të punohet e të lëmë anash fjalimet. Është vullnet i delegatëve se kush fiton. Kushdo që e ka një votë më shumë do t’i jap mbështetje”, ka thënë Haziri.