“Hashim, miku im i çmuar, urime ditëlindja”, Xhavit Haliti uron Thaçin për ditëlindje

Deputeti i Partisë Demokratike të Kosovës, Xhavit Haliti e ka uruar Hashim Thaçin me rastin e 53-vjetorit të lindjes së tij.

Përmes një postimi në “Facebook”, Haliti ka thënë se shpreson se ditëlindjen e radhës të Thaçit ta festojnë në rrethana më të mira për ish-presidentin.

“Hashim, miku im i çmuar, urime ditëlindja! Edhe 100 të gëzueshme! Shpresoj që të radhës ta festojmë në Kosovë, në rrethana më të mira për Ju, familjen dhe për qytetarët e vendit”, ka shkruar Haliti.

Ish-presidenti Hashim Thaçi aktualisht gjendet në paraburgim në Hagë.