Pas mbledhjes së Qeverisë, Kryeministri Haradinaj ka mbajtur konferencë për media.

Ai ka diskutuar edhe rreth masave të reja që mund të ndërmirren ndaj shtetit serb, nëse Serbia vazhdon sjelljen e njejtë ndaj Kosovës.

Tutje ai ka folur edhe rreth dialogut dhe deklaratave të Frederika Mogherinit për idenë e demarkacionit me Serbinë apo idenë e shëkmbimit të territoreve mes Kosovës dhe Serbisë.

“Unë mendoj që BE ka investuar shumë në këtë dialog për t’a çrregulluar në këtë mënyrë. Mendoj që Mogherini e ka mbytur dialogun dhe e ka çrregulluar atë nga dialogu për normalizim të marrëdhënieve mes dy shteteve në një dialog për shkëmbim territoresh” ka thënë Haradinaj, raporton Ballkani.info.

Haradinaj ka thënë se ideja e shkëmbimit të territoreve mes Kosovës dhe Serbisë do të thotë destabilizim i shteteve në Ballkan, andaj deklaratat dhe mendimet e Mogherinit rreth kësaj ideje nuk vlejnë.

“Mendimi i Mogherinit rreth idesë së shkëmbimit të territoreve është i pavlefshëm për mua pasi një shkëmbim i tillë është i dëmshëm për të gjitha vendet e Ballkanit” ka përfunduar Haradinaj. /Ballkani.info/