Kryetari i Odës së Hotelierisë dhe Turizmit (OHT), Hysen Sogojeva, drejtori ekzekutiv Visar Demolli, drejtori i estradës Afrim Muqiqi, drejtori i sallave të dasmave, Driton Hoti dhe anëtari i kryesisë Hamdi Bytyqi kanë mbajtur takim me ministrin e Shëndetësisë Arben Vitia.

Siç thuhet në një njoftim, në këtë takim u bisedua lidhur me mundësinë e lehtësimit të masave në sektorët që i përfshin OHT-ja përfshirë: sallat e dasmave, pishinat, estradën etj.

Vendimi për lehtësimin e masave në këta sektorë pritet të merret më 26 maj, ditën kur përfaqësuesit e OHT-së dhe sektorëve të tjerë do ta zhvillojnë një takim tjetër me ministrin Vitia.

“Përfaqësuesit tanë dolën nga takimi me shumë besim dhe shumë shpresë që muaji Qershor do të na vijë me të gjitha kërkesat tona të aprovuara, në mënyrë që sa më parë të fillojë sezona edhe për ne!”, thuhet në një njoftim.

Postimi i plotë:

Kryetari i OHT Prof. Dr. Hysen Sogojeva, drejtori ekzekutiv z. Visar Demolli, drejtori i estradës z. Afrim Muqiqi, drejtori i sallave të dasmave z. Driton Hoti dhe anëtari i kryesisë z. Hamdi Bytyqi sot kanë mbajtur takim me ministrin e Shëndetësisë z. Arben Vitia.

Qëllimi i takimit ishte bisedë rreth rishikimit të kërkesave të OHT ndaj masave antiCovid, duke i përfshirë kërkesat e të gjitha sektoreve që i përfaqëson OHT (salla të dasmave, pishina, estradë, dekore, dhe të gjitha sektoret tjera), me ç’rast u kërkua që sa më parë të dilet me një vendim të ri, dhe lehtësim të masave për këto sektore!

Takimi shkoi shumë mirë, dhe biseda ishte në favor të përfaqësuesve tanë, mirëpo na mbetet të presim deri në takimin e radhës me Ministrin e Shëndetësisë z. Vitia, i cili pritet të ndodh me 26 Maj 2021.

Përfaqësuesit tanë dolën nga takimi me shumë besim dhe shumë shpresë që muaji Qershor do të na vijë me të gjitha kërkesat tona të aprovuara, në mënyrë që sa më parë të fillojë sezona edhe për ne!

OHT do t’iu mbajë të informuar për çdo gjë!