Ferit Idrizi
Hapen puse për ujitje të hapësirave të gjelbra në qytetin e Vushtrrisë
Komuna e Vushtrrisë, gjegjësisht Drejtoria për Shërbime Publike ka bërë hapjen e puseve për të ujitur hapësirat e gjelbra në qytet.
Kryetari i Komunës së Vushtrrisë, Ferit Idrizi, tha se kjo është bërë për të mirëmbajtur hapësirat e gjelbra brenda qytetit dhe që të kursehet uji i pijes.
“Për mirëmbajtjen e hapësirave të gjelbra, kemi bërë hapjen e puseve në mënyrë që hapësirat e gjelbra brenda qytetit të ujiten dhe njëherit të kursehet uji që e përdorim për pije”, tha i pari i Vushtrrisë./EO/