Haliti: PDK duhet të hyjë në qeveri, presidenti na takon neve
Xhavit Haliti, nënkryetar i PDK-së ka thënë se kjo parti duhet të hyjë në qeverinë aktuale dhe se nuk ka kushte që tash të mbahen zgjedhjet.
“Unë mendoj që PDK-ja duhet të jetë e gatshme të hyjë në qeveri. Por edhe LDK-ja duhet të jetë e gatshme ta pranojë PDK-në”, ka thënë ai në “Debat” të RTK-së.
Sipas tij, nëse arrihet marrëveshja ndërmjet këtyre dy partive, atëherë mandati duhet të shkojë deri në fund.
“Dhe nëse arrihet kjo marrëveshje, atëherë nuk është problem se kush bëhet minister”.
Ai tha se beson që pozita e presidentit duhet t’i takojë PDK-së.
“Po besoj që presidenti do të duhej të ishte propozim i PDK-së dhe atëherë duhet të diskutohet me të tjerët, edhe me VV-në, pse jo”, ka thënë ai.
