MKRS
Halimi: Për 30 muaj qeverisje, nuk është realizuar asnjë projekt madhor në kulturë
Zyrtarja e Lidhjes Demokratike të Kosovës, Sibel Halimi ka kritikuar Qeverinë për mosrealizimin e projekteve të mëdha kapitale në kulturë. Ajo tha se nuk janë realizuar disa nga premtimet madhe në kulturë, përfshirë ai për ndërtimin Teatrit të Operës dhe Baletit, Teatrit të Ri Kombëtar, krijimin e kinemave të reja të qytetit, Stadiumit Kombëtar, Pishinës Olimpike, Muzeut të Historisë së Natyrës, Muzeut Arkeologji.
Ajo tha se objektet e reja nuk ndërtohen, ekzistueset nuk mirëmbahen, ato që janë në gjendje të mirë nuk promovohen.
Premtimet e mëdha për ndërtim të Teatrit të Operës dhe Baletit, Teatrit të Ri Kombëtar, krijimin e kinemave të reja të qytetit, Stadiumit Kombëtar, Pishinës Olimpike, Muzeut të Historisë së Natyrës, Muzeut Arkeologjik – edhe pse ka kaluar më shumë se gjysma e mandatit – nuk shihen askund në horizont. As suksesi i “Zgjoit”, nuk mjaftoi për ta zgjuar nga gjumi Qeverinë, për të bërë diçka më shumë për filmin. Kinematografia mbeti në vendnumërim, sikur çdo lëmi tjetër kulturore. Objekte të reja nuk ndërtohen; ekzistueset nuk mirëmbahen; ato pak që janë në gjendje të mirë, nuk promovohen. Buxhetit vazhdon të ndahet në mënyrë selektive, sipas hartës partiake”, ka thënë ajo.
Postimi i plotë:
Përveç asnjë projekti të madh kapital në kulturë, në mbi 30 muaj qeverisje, nuk kishte as avancim të legjislacionit. As formë dhe as përmbajtje. Veç punësime partiake në borde dhe trupa kulturore; të cilat herë mbesin të mangëta, pa këshille drejtuese; e shpeshherë stërngarkohen me militantë.
Premtimet e mëdha për ndërtim të Teatrit të Operës dhe Baletit, Teatrit të Ri Kombëtar, krijimin e kinemave të reja të qytetit, Stadiumit Kombëtar, Pishinës Olimpike, Muzeut të Historisë së Natyrës, Muzeut Arkeologjik – edhe pse ka kaluar më shumë se gjysma e mandatit – nuk shihen askund në horizont.
As suksesi i “Zgjoit”, nuk mjaftoi për ta zgjuar nga gjumi Qeverinë, për të bërë diçka më shumë për filmin. Kinematografia mbeti në vendnumërim, sikur çdo lëmi tjetër kulturore. Objekte të reja nuk ndërtohen; ekzistueset nuk mirëmbahen; ato pak që janë në gjendje të mirë, nuk promovohen. Buxhetit vazhdon të ndahet në mënyrë selektive, sipas hartës partiake.
Prandaj duhet “Rruga e Re”, se ajo na ndanë nga e shkuara e ankesave, arsyetimeve e fjalëve boshe. Programi ynë, ai i ambicieve të mëdha e projekteve madhore, i reformave dhe vizionit largpamës e të guximshëm, është përgjigjja ndaj stagnimit qeveritar që të vetmen punë e ka progagandën e numrave dhe grafikoneve, sikur ai i mbrëmshmi i postuar nga i pari i Qeverisë, me të cilët i mahnitë veçse militantët partiak.
Postimi i plotë:
