Hakerët e mbështetur nga një shtet i huaj vjedhin informacione në Thesarin e SHBA-së

Një grup hakerësh të mbështetur nga një shtet i huaj janë futur në sistemin teknologjik të Departamentit të Shtetit të SHBA-së.

Cak i këtij sulmi ka qenë edhe një agjenci amerikane përgjegjëse për të vendosur politikën rreth internetit dhe telekomunikacionit.

“Qeveria e Shteteve të Bashkuara është e vetëdijshme për këto raporte dhe ne jemi duke marrë të gjitha hapat e nevojshëm për të identifikuar dhe korrigjuar çdo çështje të mundshme në lidhje me këtë situatë”, tha zëdhënësi i Këshillit të Sigurimit Kombëtar John Ullyot, shkruan Reuters.

Ekziston shqetësimi brenda komunitetit të inteligjencës amerikane se hakerat që synuan Departamentin e Thesarit dhe Administratën Kombëtare të Telekomunikacionit dhe Informacionit të Departamentit të Tregtisë përdorën një mjet të ngjashëm për të hyrë në agjencitë e tjera qeveritare, sipas tre personave të informuar për këtë çështje.

Hakmarrja është aq serioze sa çoi në një takim të Këshillit të Sigurimit Kombëtar në Shtëpinë e Bardhë të shtunën, tha një prej njerëzve të njohur me këtë çështje.