Grenell i reagon Mehajt: Qeveria Kurti e ka refuzuar ndihmën e ShBA-së për gazsjellësin
Ish emisari i Shteteve të Bashkuara të Amerikës për dialogun Kosovë-Serbi, Richard Grenell ka reaguar ndaj kërkesës së Qeverisë së Kosovës për një bazë të përhershme ushtarake amerikane në Kosovë.
Grenell ka thënë se qeveria e kryeministrit Albin Kurti e ka refuzuar ndihmën e ShBA-së për gazsjellësin, në një reagim ndaj kërkesës së sotme të ministrit të Mbrojtjes të Kosovës, Armend Mehaj, drejtuar NATO-s për përshpejtimin e procesit të anëtarësimit të vendit në aleancën trans-atlantike.
“Qeveria aktuale sapo e ka hedhur poshtë ndihmën e SHBA-së për t’ia sjellë atyre një gazsjellës”, ka shkruar Grenell në rrjetin social Twitter.
The current government just rejected U.S. help to bring a gas pipeline to them. https://t.co/Z6W5IPy1hP
— Richard Grenell (@RichardGrenell) February 27, 2022