Gjuriq pret që Kurti ta marrë “Srpskan’ në Qeveri
Drejtori i të ashtuquajturës “Zyra për Kosovën” në Qeverinë e Serbisë, Marko Gjuriq, ka thënë se Lista Serbe e cila drejtohet nga Goran Rakiq, do të konsultohet me presidentin e Serbisë, Aleksander Vuçiq, për ndonjë vendim eventual për të hyrë në qeverinë e re të Kosovës.
Këtë deklaratë Gjuriq e ka bërë në një konferencë për media, teksa ka komentuar rezultatet e partive serbe të Kosovës të arritura në zgjedhjet e 6 tetorit.
Megjithatë sipas tij, askush nuk duhet të llogaris në mbështetjen pas kushte të Listës Serbe.
“Ne nuk e fshehim se do të bëjmë një marrëveshje për gjithçka. Lista Serbe do të bëjë një marrëveshje mbi hapat e ardhshëm me Beogradin dhe askush nuk duhet të llogaris në mbështetjen bllanko të përfaqësuesve serbe”, ka thënë Gjuriq, shkruan RTS.
Në zgjedhjet e 6 tetorit Lista Serbe e Goran Rakiqit ka fituar 6.71 për qind apo 52 mijë e 529 vota.
